Një 33-vjeçar shqiptar është arrestuar dhe dënuar me burg, pasi ishte kthyer ilegalisht në territorin fqinj.
Mediat italiane shkruajnë se shqiptari u arrestua gjatë një kontrolli të befasishëm dhe tashmë është dënuar me një vit burg dhe gjykata e Kremonas ka dhënë edhe garancinë për ekstradimin e tij në Shqipëri.
Pas hetimeve rezultoi se shqiptari ishte dënuar më parë me burg dhe urdhri ishte dhënë nga prokurori Bergamo, për veprën penale trafikimi i drogës.
Gjatë momentit të arrestimit policia verifikoi se shqiptari posedonte një mjet identifikimi, me gjeneralitete të ndryshuara, në mënyrë që të kthehej në Itali, duke shmangur kontrollet.
Por hetimet e mëvonshme nxorën në pah parregullsinë e tij në territorin italian, pasi ishte dëbuar me një masë të lëshuar nga zyra e Mbikëqyrjes Pavia, e cila më pas e kishte shoqëruar në zyrën kufitare të Milan Malpensa, më 25 janar 2018.
NDIQE LIVE "PANORAMA TV" © Panorama.al
