Kosova u mposht mbrëmjen e djeshme nga Çekia me rezultatin 2-1, në përballjen e vlefshme për eliminatoret e Europianit.
Nuk kanë munguar incidentet para ndeshjes, teksa një grup tifozësh kosovarë janë sulmuar nga çekët. Ndërkohë në një prononcim për “RTV Dukagjinin”, tifozi i Kosovës, i cili kishte dorën e lënduar, ka rrëfyer gjithë ngjarjen që ka ndodhur e që ai e ka konsideruar tërësisht jo sportive.
“Jetoj në Graz të Austrisë dhe jam nga Gjilani. Kemi qenë duke ngrënë bukë në mënyrë të qetë. Na kanë sulmuar persona me maska. Ne nuk kemi provokuar. Sulmi ka qenë komplet i papritur. Ne kemi ardhur për ambient sportive. Kjo nuk është atmosferë sportive. Nuk ka të bëj me sportin. Kam parë që policia ka reaguar… Ne jemi kryesisht studentë. Nuk kemi qëllime provokimi. Unë vet jam baba i dy fëmijëve. Nëse është e mundur do të shikojmë ndeshjen, në të kundërtën shohim se çfarë do të bëjmë”, u shpreh tifozi.
PANORAMASPORT.AL
NDIQE LIVE "PANORAMA TV" © Panorama.al
