“Ishe i dashuri më i mirë që kam pasur”- Modelja zbulon se është ndarë në mënyrën e pazakontë, publikon video me kujtimet më të bukura me ish-partnerin

Oct 2, 2022 | 20:10
SHPËRNDAJE

PANORAMA PLUS/ Kleoniki Delijorgji zbuloi në një mënyrë të veçantë se është ndarë nga partneri i saj, Javier Vidal.Ish-çifti u njohën në ishullin greek të Mykonos dhe publikon shpesh video e foto të romancës së tyre në rrjetet sociale, por mesa duket rrugët e tyre tashmë janë ndarë.

modelja

Lajmin e konfirmoi vetë modelja, duke publikuar një video me kujtimet më të bukura me Vidal gjatë marrëdhënies së tyre, teksa tregoi edhe çastin kur vendosën të ndaheshin.

“Shumë prej jush na kanë parë si çifti i ëndrrave. Por gjërat nuk janë gjithmonë ashtu siç duken. Ne kemi qenë një çift i mrekullueshëm, por kemi përjetuar edhe shumë vështirësi. Ne të dy vendosëm se ishte më mirë për ne të ndaheshim, dhe e bëmë këtë me kaq shumë dashuri dhe respekt për njëri-tjetrin.Dje, shkuam në plazh, vendosëm disa nga këngët tona të preferuara, shikuam thellë në sytë dhe shpirtrat e njëri-tjetrit dhe vendosëm që kemi përfunduar misionin tonë në jetën e njëri-tjetrit. Hymë në oqean, ashtu siç bëmë kur u takuam për herë të parë.

Ne gjithashtu i dhuruam trëndafila oqeanit me shumë vlerësim për veten tonë, guximin tonë, dashurinë tonë, familjet tona, paraardhësit tanë, Zotin, Nënën Tokë dhe ishullin e bukur të Mykonos.  Ne jemi shumë mirënjohës për gjithçka që kemi kaluar. Zemrat tona janë plot dashuri. Ti ke qenë i dashuri më i mirë që kam pasur ndonjëherë. Unë gjithmonë do të të dua Javier Vidal!!! #shpirt binjakë”, shkroi ajo.

© Panorama.al

Te lidhura