Spartak Sofia është një nga të shumtit që fëmijërinë e ka kaluar në Shtëpinë e Fëmijës Shkollore dhe sjell momentet e tmerrshme që ka përjetuar, aq sa sot, edhe pse në moshë madhore, ka ende një shenjë në kokë nga dhuna e ushtruar gjatë viteve kur ishte rezident aty.
“Prokurorinë e Shkodrës, Avokatin e Popullit, Policinë e Shkodrës i falënderoj shumë për ndalimin e tyre, sepse është një katastrofë aty në Shtëpinë e Fëmijës.
Nuk është hera e parë që ndodhin gjëra të tilla, por është e disata herë.
Aty ka dhunë, aty ka vjedhje dhe nuk mund të jap emra, sepse nuk më takon, por unë shpresoj që hetimeve t’u shkohet deri në fund. Unë e kam një shenjë në kokë nga dhuna që kam pësuar vite më parë, kur isha në Shtëpinë e Fëmijës Shkollore në Shkodër.
Pas orës 2 të natës nuk na linim të shkonim në banjë dhe ne urinonim aty në dhomë e pastaj na rrihnin me shkopinj e hithra.
Kam dëgjuar edhe tani për dhunë që ushtrohet ndaj fëmijëve, edhe për abuzime seksuale, por jam larguar sepse nuk mund t’i dëgjoja këto raste dhe nuk e imagjinoj si mund të bëhen këto punë me fëmijë”, thotë Sofia.
NDIQE LIVE "PANORAMA TV" © Panorama.al
