Italia pritet të zhvillojë zgjedhjet presidenciale më 24 janar 2022. Ajo që bëri bujë ishte vendimi i ish-kryeministrit Silvio Berlusconi për të kandiduar.
Por vetëm dy ditë përpara zgjedhjeve, Berlusconi duket se është tërhequr. Reuters shkruan se Berlusconi ka vendosur të ms kandidojë.
Vendimi është marrë nga mbledhja e partive të qendrës së djathtë të Italisë e cila është ende ne vazhdim në kuadër të hapjes të hënën të procesit të zgjedhjeve presidenciale në parlamentin italian.
Për kandidaturën e tij ishte mbështetës edhe Manfred Weber, politikani konservator gjerman që kryeson grupin e Partisë Popullore Evropiane (EPP).
Më 24 janar, politikanët italianë do të zgjedhin kreun e ri të shtetit. Deputetët, senatorët dhe përfaqësuesit e 20 rajoneve, zgjedhin presidentin e republikës.
Për të fituar, një kandidati i duhen dy të tretat e votave në tri rundet e para të votimit.
Në të katërtin, një shumicë e thjeshtë është e mjaftueshme.
NDIQE LIVE "PANORAMA TV" © Panorama.al