Ish-deputeti i Lëvizjes Socialiste për Integrim, Endrit Braimllari, është bërë baba për herë të parë. Bashkëshortja e tij, Besa, ka sjellë në jetë një vogëlushe dhe lajmin e ka bërë të ditur vetë Braimllari.
Ndërkohë ditën e sotme, Braimllari ka marrë edhe një videomesazh nga kampi veror i LRI-së, ku i urojnë të voglës jetë të lumtur e të shëndetshme.
“Ne jemi të bindur që ai sot do të kujdeset për vajzën e tij, dhe dua që në emrin e të gjithë juve ta urojmë Siarin të ketë jetë të lumtur, jetë të shëndetshme. Të rritet e lumtur pranë Besës dhe Endritit. Urime. Është kampi i parë që nuk je pranë nesh, por na ke stërvitur fort, na ke bërë të jemi sot këtu ku jemi, kështu që të falënderojmë shumë. Përqafimi nga i gjithë grupi i LRI-së”, është mesazhi i grupit.
Ish-deputeti ka publikuar në “Facebook” një video ku falënderon ekipin e LRI-së për surprizën emocionuese. Ai gjithashtu shprehet se LRI kultivon përgjegjësi, solidaritet dhe frymën e bashkëpunimit.
“Faleminderit Floida dhe ekipit te LRI-se per suprizen emocionuese!
Tradita vazhdon brenda LRI-se.
Levizja Rinore per Integrim cdo dite e me shume forcohet dhe rritet ne pergjegjesi perballe angazhimit per ti sherbyer rinise.
Pergjegjesia e gjithsecilit nga ne per shoket jo vetem te forumit por ne te gjithe shoqerine u kultivua brenda Levizjes Socialiste per Integrim.
LSI kultivoi tek ne pergjegjesine, solidaritetin, frymen e bashkepunimit dhe energjine pozitive.
Levizja Socialiste per Integrim ka miresi, ka solidarit, pozitivitet. Kjo misherohet mese miri tek organizata me e mire dhe me e forte Rinore tek Levizja Rinore per Integrim. Tek ky ekip i fantastik dhe sifdues.”, shkruan Braimllari krahas videos.
NDIQE LIVE "PANORAMA TV" © Panorama.al