Blero Muharremi dhe Teuta Krasniqi janë ndarë në mënyrë miqësore dhe gëzojnë një raport shumë të mirë edhe pas krijimit të familjeve të reja, për hir të vajzës që kanë bashkë, Tarës.
Ditën e djeshme, Teuta ishte e ftuar tek “Rudina”, ku foli për marrëdhënien me Bleron dhe bashkëshorten e tij, si dhe për familjen e re që ka krijuar.
“Më kanë gjykuar, si është e mundur, pse ku ka në botë kështu… Më janë dukur budallallëqe gjykimet, sepse secili prind duhet të mendojë për të mirën e fëmijës, sepse fëmija nuk ka faj. Nuk ka përse të vuajë pasojat e ndarjes.
Jemi treguar që në fillim të pjekur në këtë aspekt, sepse unë vazhdoj të kem prioritet mirëqenien, shëndetin e vajzave para vetes edhe para gjithçkaje.
Unë kam një të mirë, që në momentin që ndihem rehat me veten, edhe në momentin që unë vendos për një gjë, edhe gjithë bota me u ngrit, me më thënë që nuk është mirë, nëse unë mendoj që është mirë dhe e vlerësoj, thjesht do të vazhdoj me timen”,- u shpreh Teuta.
Ajo foli edhe për Adonisin, bashkëshortin e saj, i cili nuk dëshiron të jetë në vëmendje të mediave. Ata kanë një vajzë tjetër bashkë, e cila quhet Kaia.
Teuta tregoi se Adonisi e ka kuptuar që në fillim situatën në të cilën ajo ndodhej dhe prioritetin për Tarën.
Lidhur me bashkëshorten e Bleros, Afronën, ajo tha:
“Kam shumë mendim të mirë për Afronën. Është vajzë shumë e mirë dhe e respektoj unë. Nuk ka qenë as Afrona dhe as Adonisi për ndarjen, prandaj nuk ka pse të ketë asnjë ndjenjë negative”.
NDIQE LIVE "PANORAMA TV" © Panorama.al