Inter ka prezantuar sot blerjen që e kishte zyrtarizuar para disa muajsh. Është lojtari me origjinë holandeze Stefan de Vrij. Zyrtarizimi i tij te inter pa mbaruar sezoni ngjalli shumë debati pasi lojtari luajti në ndeshjen e fundit të Lacio përballë Inter ku vendosej dhe pjesëmarrësi në “Ligën e Kampionëve”.
Ndërkohë sot është bërë prezantimi i tij si dhe ka dhënë intervistën e tij të parë si një lojtari i Interit. “Interi ishte zgjedhja e duhur për mua, pasi e di shumë mirë se më shumë se Interi, asnjë skuadër tjetër nuk mund të më ndihmonte në aspektin personal. Jam i lumtur që do të luaj me këtë fanellë dhe kam besim se do të arrijmë të bëjmë mirë në të gjitha kompeticionet.
Lacios i tregova që nuk do të rinovoj, 2-3 javë para finales por nuk e mbaj mend ekzaktësisht.
Ronaldo? Më vjen mirë dhe jam i lumtur që ai është transferuar në Itali por jam i përqendruar vetëm te Interi dhe shpresoj që të bëj mirë me këtë fanellë”, tha mes të tjerash De Vrij.
NDIQE LIVE "PANORAMA TV" © Panorama.al
