| Tirane |
|
| Durres |
|
| Vlore |
|
| Shkoder |
|
| Korce |
|
|
|
|
Mali i Zi: Pa viza me Shqipėrinė |
|
»
Vendosur: 07/11/2009 - 09:28
|
•
ADI SHKEMBI
Qytetarët shqiptarë do të udhëtojnë sërish pa viza në drejtim të Malit të Zi, me-gjithëse vendi fqinj do të përfitojë heqjen e vizave me BE-në nga 1 janari 2010. Këtë e bëri të ditur dje ministri i Jashtëm i Malit të Zi, Milan Roçen gjatë një takimi me homologun e tij shqiptar Ilir Meta. Kreu i diplomacisë sonë, ndodhet në Podgoricë për një vizitë zyrtare ku gjatë ditës së djeshme është takuar edhe me kryeministrin Milo Gjukanoviç, kryetarin e Parlamentit dhe Presidentin e vendit. Gjatë konferencës së përbashkët për shtyp ministri i Jashtëm malazez tha se: “Edhe pasi Mali i Zi të përfitojë liberalizimin e vizave me BE-në, vendi i tij nuk do të ndryshojë regjimin e vizave me Shqipërinë dhe qytetarët shqiptarë dhe ata malazezë do të vazhdojnë të udhëtojnë pa viza drejt vendeve respektive”. Sipas Roçen, Meta është një mik i provuar i Malit të Zi. Nga ana e tij Meta theksoi vendi ynë shumë shpejt do të jetë pjesë e hapësirës “Schengen”, teksa shtoi se: “Shqipëria dhe Mali i Zi kanë marrëdhënie të shkëlqyera. Këto vende kanë një vizion dhe një objektiv të përbashkët për të ardhmen, anëtarësimin në Bashkimin Evropian, si dhe zgjerimin e NATO-s me anëtarësimin e Malit të Zi”. Sipas kreut të diplomacisë shqiptare me anëtarësimin e Malit të Zi në NATO, bregdeti i Adriatikut do të jetë i integruar në këtë organizatë të rëndësishme dhe do të shtojë sigurinë në rajon, duke kontribuar kështu edhe në rritjen e zhvillimit ekonomik. “Jemi në një epokë të re ku konkurrojnë rajonet, të cilët krijojnë një mundësi më të madhe për investimet e huaja. Shqipëria dhe Mali i Zi, përmes një bashkëpunimi të ngushtë do të forcojnë paqen dhe sigurinë, duke forcuar edhe situatën ekonomike”, theksoi më tej Meta. Ministrat e dy vendeve nënshkruan dhe tre marrëveshje bashkëpunimi mbi “Lëvizjen e ndërsjellë të qytetarëve”, Marrëveshjen e “Ripranimit” dhe marrëveshjen “Për rikonstruksionin, riparimin dhe mirëmbajtjen e piramidave dhe sinjalistikave përgjatë kufirit shqiptaro-malazez”. “Këto marrëveshje janë një hap më tej në fushën e rendit dhe të sigurisë, dispozitat e të cilave janë në përputhje me legjislacionin e Bashkimit Evropian në këtë fushë. Me anë të këtyre marrëveshjeve, jo vetëm sigurohet vazhdimësia e lëvizjes së lirë të qytetarëve të të dy vendeve, por edhe garantohet siguria e kufijve duke parandaluar trafiqet ilegale apo lëvizjet dhe qëndrimin e paligjshëm të personave në territoret e vendeve respektive”, thuhet në njoftimin për shtyp të ministrisë së Jashtme. Ndërsa në takimin me kryeministrin Gjukanoviç u ra dakord për ngritjen e Komitetit Ekonomik për forcimin e bashkëpunimit ekonomik mes dy vendeve, si dhe u shpreh vullnet i të dyja palëve për pastrimin dhe mirëmbajtjen e liqenit të Shkodrës.
|
|
|
|
|
|
|
PANORAMA & PANORAMA SPORT |
PANORAMA PLUS & UNE GRUAJA |
|
|