| Tirane |
|
| Durres |
|
| Vlore |
|
| Shkoder |
|
| Korce |
|
|
|
|
Divorci, Pirro Ēako nė gjykatė kundėr padisė sė Inva Mulės |
|
»
Vendosur: 03/06/2009 - 07:54
|
•
Armand Bajrami
Dy muaj pas kërkesës së sopranos së famshme Inva Mula për divorc bashkëshortor me kantautorin Pirro Çako, ky i fundit duket se është ende i “pavendosur”. Qëllimi për shmangien e divorcit u artikulua në seancën e djeshme në Gjykatën e Tiranës, ku avokatja e Pirro Çakos pretendoi se kërkesë-padia për divorc nga sopranoja Inva Mula ishte e paplotë. Si e tillë, avokatja e Pirro Çakos tha se padia e Inva Mulës, duhet të plotësohet dhe të risillet në gjykatë, pasi në të nuk sqarohej fakti që dy ish-partnerët kishin zgjedhur bashkërisht të jetonin larg njëri-tjetrit. Krejtësisht e kundërta u pretendua nga pala paditëse, që në këtë proces është Inva Mula. Gjykata nuk pranoi rikthimin e kërkesë padisë dhe caktoi ditën e premte, datë 5 qershor, për seancën e radhës, ku palët do të adresojnë pyetje mes tyre në lidhje me divorcin.
Në seancën e djeshme asnjëri nga anëtarët e çiftit Çako-Mula nuk ishin prezentë në seancë. Ata përfaqësoheshin nga mbrojtësit e tyre ligjorë. Burime pranë gjykatës sqaruan se në seancën e djeshme, mbrojtësja ligjore e kantautorit Pirro Çako pretendoi se kërkesë padia për divorc e bërë nga Inva Mula ishte e paplotë. Sipas avokates, të jetuarit larg njëri-tjetrit ishte një mënyrë jetese e zgjedhur nga vetë bashkëshortët dhe kjo nuk përbënte shkak për të quajtur jo-funksionale martesën mes tyre. Në argumentimin e kërkesës, mbrojtësja ligjore e kantautorit Pirro Çako, konfirmoi dy takime të sopranos së famshme Mula me bashkëshortin e saj Pirro Çako pas vitit 2007. Sipas avokates, bëhej fjalë për një takim në aeroportin “Nënë Tereza”, teksa Pirro Çako ishte duke përcjellë djalin e tij për në Francë. Gjithashtu edhe takimi i tyre në ditëlindjen e mamasë së Pirro Çakos, ku çifti është parë të qëndrojë gjatë gjithë kohës bashkë. Pretendimi i palës së paditur është kundërshtuar plotësisht nga ana e mbrojtësit të sopranos Inva Mula. Sipas avokatit të saj, diapozitivi i kërkesë-padisë është i saktë dhe i përmbledh të gjitha. Ndërsa për takimet e përmendura mes dy bashkëshortëve, avokati i ka cilësuar ato si “takime formale”. Në seancën e radhës, e cila do të jetë të premten, palët do t’i kërkojnë shpjegime njëri-tjetrit me anë të pyetjeve të dyanshme. Kërkesa zyrtare për divorc mes çiftit të famshëm u bë e ditur në ditët e para të muajit prill. Pas një periudhe disa vjeçare të jetesës në distancë, Inva Mula paraqiti një kërkesë padi në gjykatën e Tiranës ku kërkonte zgjidhjen e martesës me Pirro Çakon.
Sopranoja, e vendosur për procesin
Në seancën e mëparshme gjyqësore të divorcit Mula-Çako, sopranoja e famshme theksoi se ndarja e saj nga kantautori Çako nuk kishte kthim pas. “Është çështje e mbyllur”, u shpreh ajo përpara gjykatës, gjatë asaj që proceduralisht ishte seanca e pajtimit mes palëve. Në po këtë seancë nga avokatja e Çakos, pasi ai nuk ishte prezent, u kërkuar pajtim mes dy bashkëshortëve.
Martesa
Marrëdhënia në distancë mes Pirro Çakos dhe Inva Mulës prej kohësh ishte venë në “shënjestër” të shkrimeve në shtyp dhe kronikave televizive. “Zhurma” mediatike u zmadhua pas zbulimit të faktit, që sopranoja kishte krijuar një lidhje në biznesmen kosovar. Ndërsa ndarja e çiftit të këngëtarëve u zyrtarizua pas kërkesës për divorc në gjykatë nga ana e sopranos Mula.
Refuzimi
Pirro Çako dhe Inva Mula nuk arritën pajtimin në seancën e parë të procesit, e cila u zhvillua në Gjykatën e Tiranës. Trupi gjykues, sipas dispozitave për proceset e tilla civile, në seancën e parë të gjyqit, u apeloi palëve mundësinë e fundit për pajtim. Ajo që kundërshtoi ishte sopranoja e njohur Inva Mula, e cila u shpreh përmes avokates së saj kundër pajtimit.
|
|
|
|
|
|
|
PANORAMA & PANORAMA SPORT |
PANORAMA PLUS & UNE GRUAJA |
|
|