| Tirane |
|
| Durres |
|
| Vlore |
|
| Shkoder |
|
| Korce |
|
|
|
|
Krimet e Rėnda: Burg pa afat gjashtė trafikantėve tė arrestuar nė Shijak |
|
»
Vendosur: 13/09/2008 - 09:55
|
•
TIRANE - Gjashtë personat e arrestuar tri ditë më parë në Shijak të Durrësit me akuzën për trafik ndërkombëtar droge me Italinë, do të qëndrojnë të izoluar në qelitë e paraburgimit deri në përfundim të hetimeve që po zhvillon ndaj tyre nga Prokuroria e Krimeve të Rënda. Gjykata e Krimeve të Rënda, me kërkesë të organit të akuzës caktoi dje masat e sigurisë "arrest me burg" ndaj të pandehurve Mentor Shehu, Fatbardh Hoxha, Hekuran Hoxha, Alket Hatia, Sajmir Gjepali dhe Lutfi Shabani, i cili ndodhet në dhomat e paraburgimit për të njëjtën vepër penale. Ata u arrestuan të martën gjatë operacionit të koduar "Pastrimi" pasi akuzohen se, gjatë periudhës kohore 2003-2004 kanë trafikuar rreth 450 kilogram heroinë nga Shqipëria në drejtim të Italisë. Policia gjatë publikimit të rezultateve të operacionit "Pastrimi" tha se në cilësinë e provës materiale, të arrestuarve u janë sekuestruar katër makina, gjashtë aparate telefoni celular, një armë automatike model "56", 90 fishekë model "56' dhe 68 fishkë armë gjuetie, si dhe katër automjete. Prokuroria e Krimeve të Rënda, e cila po heton çështjen tha dje se grupi hetimor po punon për identifikimin dhe sekuestrimin e pasurive të tyre që mendohet se janë përfituar nga trafiku i drogës. Sipas të dhënave hetimore, vlera e drogës së trafikuar nga ky grup personash kap shifrën e 5 milionë eurove. Bëhet fjalë vetëm për drogën të cilën policia ka arritur ta sekuestrojë' ndërsa besohet se ngarkesa të tjera kanë arritur t'i shpëtojnë agjentëve të policisë shqiptare dhe italiane. Hetimet për këtë dosje penale kanë filluar disa kohë më parë nga Prokuroria e Krimeve të Rënda, pas transferimit të dosjes nga Prokuroria e Antimafias së Torinos në Itali. Kjo e fundit për një periudhë 2-vjeçare ka zhvilluar përgjime telefonike ndaj personave të arrestuar, të cilët kanë dalë të implikuar në veprimtarinë e trafikut të drogës dhe disa veprave të tjera penale.
|
|
|
|
|
|
|
PANORAMA & PANORAMA SPORT |
PANORAMA PLUS & UNE GRUAJA |
|
|