| Tirane |
|
| Durres |
|
| Vlore |
|
| Shkoder |
|
| Korce |
|
|
|
|
Moisiu dekoron 15 personalitete |
|
»
Vendosur: 14/07/2007 - 12:01
|
• Nė fund tė mandatit tė tij presidenti Alfred Moisiu ka dhėnė vlerėsime pėr 15 personalitete tė ndryshme nė fushat e ndryshme politike, kulturore, diplomacisė, sportit dhe publicistikės.
Edhe pse duhen dhe dy javë që të përfundojë zyrtarisht këtë mandat presidencial, Moisiu nuk ka ngurruar që të realizojë mirënjohjen e tij ndaj personaliteteve të fushave të ndryshme. Zyra e shtypit pranë Presidencës bëri të ditur dje se kreu i shtetit Presidenti i Republikës, Alfred Moisiu, dekoroi personalitete të njohura dhe me kontribute të veçanta në fushën e politikës, drejtësisë, diplomacisë, artit, kulturës, sportit dhe publicistikës. Me urdhrin "Nderi i Kombit" Presidenti nderoi shkrimtarin e madh Jakov Xoxe (pas vdekjes). Me urdhrin "Nënë Tereza", presidenti Moisiu çmoi lart punën dhe veprimtarinë e shquar të ish-kryetarit të Parlamentit Pjetër Arbnori (pas vdekjes). Në shenjë vlerësimi dhe respekti të veçantë presidenti nderoi me urdhrin "Mjeshtër i Madh" Aleko Prodanin (pas vdekjes), Fitnete Rexha (pas vdekjes), Vitore Sollaku, Liljana Cingu, Bujar Bujari dhe Agim Krajka. Urdhrin "Naim Frashëri i Artë", kryetari i shtetit ia dorëzoi dirigjentit të mirënjohur, Ermir Krantja, si dhe kompozitorit Flamur Shehu. Ndërsa me "Medaljen për Merita të Veçanta Civile", presidenti Moisiu dekoroi Teodor Kekon (pas vdekjes), Todi Lubonjën (pas vdekjes), Kristaq Ngjelën dhe Fadil Paçramin. Gjatë ceremonisë së djeshme presidenti i dorëzoi "Medaljen e Mirënjohjes", Sokol Gjokës. Vendimi për dhënien e këtyre dekorime është marrë muaj më parë, por dje presidenti zhvilloi një ceremoni solemne për shpërndarjen e 15 dekoratave për personalitetet e ndryshme nga fushat e jetës shoqërore.
Në emër të personaliteteve të dekoruara nga presidenti Moisiu përshëndeti mjeshtri i muzikës, Agim Krajka, i cili, përmes emocionesh të veçanta, shprehu mirënjohjen dhe kënaqësinë e veçantë për nderimin e lartë që kryetari i shtetit i bëri këtyre njerëzve që kanë punuar me shpirt e përkushtim gjatë gjithë veprimtarisë së tyre. "Të gjithë ne jemi produkt i një populli jashtëzakonisht të talentuar, i cili, megjithë tallazet që ka kaluar, ka nxjerrë gjigandë në të gjitha fushat, letërsi, pikturë, muzikë etj. Duhet të jemi krenarë që edhe sot rikujtohet se ky popull nuk i harron produktet e tij dhe unë personalisht, ashtu si dhe të gjithë të dekoruarit këtu, i jemi tmerrësisht mirënjohës popullit shqiptar, që veprat tona, qoftë këtu, qoftë jashtë vendit, nuk ia kanë ulur kokën këtij populli kurrë", u shpreh Krajka, në përfundim të ceremonisë. E ëma e publicistit dhe shkrimtarit të njohur Tedor Keko ka sqaruar për "Panorama" se ka qenë një grup i njohur politikanësh që i kanë kërkuar presidentit të dekorojnë djalin e tij. Në fakt kanë qenë politikanët Ilir Meta, Preç Zogaj, Besnik Mustafaj, Bamir Topi, Genc Ruli, Leonard Solis, Kastriot Islami, Arben Malaj, Neritan Ceka, Skënder Gjinushi, Paskal Milo ata që i kanë propozuar presidentit nderimin që i duhej bërë Teodorit. "Ka shumë njerëz që më takojnë dhe më tregojnë shumë për të, kjo ma bën më të lehtë dhimbjen, ndonëse ka pesë vjet që më mungon. Sot jam shumë e nderuar, ndonëse emocionet i ndjej sikur të dekorohesha vetë", u shpreh Xhanfize Keko.
Fadil Paçrami
Anëtar i KQ të PPSH-së, ministër Kulture, sekretar i partisë për Tiranën për Çështje Ideologjike, kandidat byroje. Në Plenumin e IV të 1973 u përjashtua nga partia për qëndrime liberale. Ka qenë shkrimtar, dramaturg. U lirua nga burgu pas vitit 1990.
Todi Lubonja
Ka qenë drejtor
i RTVSH-së, kryeredaktor i "Zëri i Popullit". Për shumë vite ka qenë sekretari i Parë i Rinisë së PPSH-së. U përjashtua nga partia dhe Plenumi i IV i PPSH-së për qëndrime liberale. U dënua me burgim dhe u lirua pas vitit 1990.
Teodor Keko
Me "Medaljen për Merita të Veçanta Civile", presidenti Moisiu dekoroi Teodor Kekon pas vdekjes. Njeri, poet, shkrimtar, publicist, politikan, për Teodor Kekon vdekja ishte sfida më e madhe. Medalja iu dorëzua së ëmës, Xhanfize Keko.
Pjetër Arbnori
Me urdhrin "Nënë Tereza", për punën dhe veprimtarinë e shquar është një tjetër urdhër që presidenti Moisiu çmoi lart punën dhe veprimtarinë e shquar të politikanit Pjetër Arbnori, pas vdekjes. Çmimi i është dorëzuar së shoqes, Suzanës.
Sokol Gjoka
"Medaljen e Mirënjohjes" iu dha me motivacionin: "Për përkushtimin dhe ndjenjën e lartë të përgjegjësisë në kryerjen e detyrës së ambasadorit të republikës së Shqipërisë në Poloni". Më përpara Gjoka ka punuar si gazetar dhe pranë MPJ-së.
Fitnete Rexha
Fitnete Rexha, artistja që pastroi këngën e Shqipërisë së Mesme nga influencat e muzikës orientale është dekoruar pas vdekjes nga presidenti Moisiu më urdhrin "Mjeshtër i madh". Fitnete Rexha njihet si bilbili i këngës popullore.
Aleko Prodani
"Mjeshtër i madh" edhe për Aleko Prodanin, mjeshtrin e skenës dhe humorit, aktorin e ndarë nga jeta rreth një vit më parë. Presidenti i Shqipërisë, Alfred Moisiu, i akordoi dje urdhrin në shenjë vlerësimi dhe respekti të shoqes së aktorit.
Liljana Cingu
Valltarja e njohur që i dha jetë Ansamblit Kombëtar të Këngëve dhe Valleve Popullore, Liljana Cingu, është nderuar dje nga presidenti shqiptar me urdhrin "Mjeshtër i madh" për kontributin e dhënë në vallen popullore shqiptare.
Agim Krajka
Mjeshtri i muzikës, kompozitori i njohur Agim Krajka në radhën e artistëve është nderuar dje
me urdhrin "Mjeshtër i madh" nga Presidenti i Republikës, Alfred Mosiu, për kontributin e shquar në fushën e muzikës.
Ermir Krantja
Urdhrin
"Naim Frashëri i Artë", kryetari i shtetit ia dorëzoi po dje dirigjentit të mirënjohur, Ermir Krantja, i cili njihet për kontributin e tij të shkëlqyer si dirigjent në disa vepra e koncerte kombëtare e ndërkombëtare.
Kristaq Ngjela
"Medalja për Merita të Veçanta Civile" iu dha Kristaq Ngjelës me motivacionin: "Për kontributin e tij të gjatë në sistemin e drejtësisë dhe në veçanti për drejtimin me profesionalizëm të Kolegjit Penal të Gjykatës së Lartë".
Flamur Shehu
Kompozitori i njohur Flamur Shehu, është nderuar dje me urdhrin "Naim Frshëri i Artë" nga presidenti Alfred Moisiu. Shehu njihet për pjesëmarrjen e tij të madhe në festivalet e ndryshme shqiptare me këngë të cilat janë vlerësuar me çmime.
|
|
|
|
|
|
|
PANORAMA & PANORAMA SPORT |
PANORAMA PLUS & UNE GRUAJA |
|
|