Policia dyshon se dy të ndaluarit të jenë implikuar në incidentin e djeshëm me mbështetësit e fushatës së kandidates së PD-së, ku pati edhe konfrontime fizike mes tyre.
Stafi i kandidates Duma, u përshi në incidente me militantët e Partisë Socialiste, gjatë takimeve elektorale që do të zhvillonin në zonën e Shkozetit. Dy automjetet me flamuj të Partisë Socialiste kanë penguar dje takimet e kandidates së PD-së për Bashkinë e Durrësit.
Shtabi elektoral i PD bëri me dije se personat kanë provokuar përkrahësit e Dumës, madje situata është tensionuar duke pasur dhe konfrontime fizike. Personat provokues kanë goditur përkrahësit e Dumës, njërit prej të cilëve mbeti i plagosur.
Në vendngjarje mbërriten edhe forcat e rendit, të cilat morën në pyetje dëshmitarët dhe nisën punën për të zbuluar autorët e këtij incidentet elektoral.
