Një person ka mbetur i vdekur i vrarë me armë zjarri. Ngjarja e rëndë ka ndodhur pas mesnate në fshatin Stajkë të Shkodrës.
Sipas policisë 24 vjeçari Luigj Gjergji nga fshati Pistull, i Hajmelit të Bashkisë Vau Dejes u qëllua me armë zjarri dhe ndërroi jetë në vendngjarje. Nga të shtënat mjeti ka përfunduar në një kanal anësor të rrugës.
Sipas të dhënave të para ai ishte duke udhëtuar i vetëm në automjetin e tij tip Audi me targë greke NZP8147 në momentin e ekzekutimit.
Policia ka shkuar në vendin e ngjarjes dhe po punohet për të zbardhur rrethanat e kësaj vrasje dhe identitetin e autorëve të krimit.
NDIQE LIVE "PANORAMA TV" © Panorama.al
