Një kriminel i dënuar nga Mbretëria e Bashkuar po padit policinë lokale për shtypjen e tij Ferrari 458 Spider.
35-vjeçari Zahid Khan, u arratis në Dubai pak para se të dënohej për disa vepra penale përfshirë edhe pastrimin e parave.
Ai po përballet me një dënim prej 10 vjet burg në Britani, por jeton i lirë në Dubai.
Tani, Khan është duke paditur Policinë e West Midlands për shtypjen e Ferrarit të tij 458.
Khan bëri tituj në prill 2017 kur parkoi super veturën e tij në trotuar pranë Gjykatës së Birmingham. Pas kësaj, autoritetet lokale e sekuestruan makinën.
Policia gjithashtu përcaktoi se ajo nuk kishte sigurim të vlefshëm dhe ishte një automjet i Kategorisë B, që do të thotë se ishte i paqëndrueshëm për shkak të dëmtimit dhe, kështu, duhej të shkatërrohej.
Video e shpërndarë në YouTuber përsëri në fillim të vitit 2018 tregon momentin kur Ferrari i Khan u shkatërrua në një pikë skrapi në zonë.
Duke folur me Mail Online , Khan tha: “Tani kam filluar procedurat kundër Policisë së West Midlands për sjelljen e tyre të paligjshme në lidhje me makinën time Ferrari 458 me vlerë 200 mijë paund”
Një zëdhënëse e Policisë së West Midlands komentoi se “Zahid Khan më parë ka paraqitur një letër kërkese drejtpërdrejt te forca e cila tashmë është mohuar. Tani kemi marrë njoftim se ai ka lëshuar procedura para gjykatës, ne do t’i përgjigjemi padisë përmes procesit gjyqësor në kohën e duhur”.
Policia në Mbretërinë e Bashkuar thuhet se e di se ku po jeton Khan në Dubai dhe ai mund të përballet me ekstradimin.
NDIQE LIVE "PANORAMA TV" © Panorama.al