Një i ri shqiptar që jeton në Sicili është kapur nga Karabinierët me armë. Genci Leçini, e mbante pistoletën e vjetër me mulli në komodinën përkrah krevatit.
Zbulimi erdhi pasi policia e ndali shqiptarin për ta kontrolluar për leje qëndrimi dhe sjellja e tij dyshuese bëri që policia të ushtronte kontroll në apartamentin e tij.
Policia italiane ka nisur verifikimet për të parë nëse pistoleta është përdorur për ndonjë krim dhe origjinën e armës.
Revolveri që mbante 20-vjeçari rezulton se nuk ka numër serie si dhe nuk mban emër marke, por që funksionon plotësisht.
Leçini është dërguar në Burgun e Raguzës, ndërkohë që policia ka nisur hetimet nëse i riu e ka përdorur armën për aktivitet kriminal.
NDIQE LIVE "PANORAMA TV" © Panorama.al