“I kërkova të hiqte dorë, e doja, u njohëm në Facebook”, flet e dashura e ‘skifterit’ nga Durrësi, akuzohet se e ndihmonte të fshihej pas grabitjeve

Feb 19, 2020 | 12:11
SHPËRNDAJE

astrit-thaci-1

E dashura e Astrit Thaçit, e cila e ndihmonte atë të fshihej në kryeqytet pas grabitjeve që ai kryente, e arrestuar pak orë më vonë se i riu, ka folur për hetuesit duke mohuar përfshirjen e saj në veprimtarinë kriminale të partnerit të saj.

Adela Berisha ka treguar se njohjen me Thaçin e ka pasur përmes rrjetit social Facebook dhe se nuk ka pasur dijeni që ai vazhdontë të grabiste.

Por ka rrëfyer se kur janë njohur, ai i ka treguar për të kaluarën e tij dhe e reja tha se i kishte kërkuar që të hiqte dorë nga ky ves.

astriti dhe adela

“Pak kohë më parë kuptova që merrej me këtë punë dhe i kërkova të hiqte dorë. Mendova se nuk merrej më me këtë punë. Kisha lidhje serioze me Astritin, nuk ishte thjesh për të kaluar kohën. Unë e doja”.

Pas “skifterit” të Durrësit qëndronte një 20- vjeçare nga kryeqyteti, e cila e mbështeste dhe e ndihmonte t’i fshihej Policisë pas grabitjeve që kryente, dyshon Policia të cilën e ka akuzuar si bashkëpunëtoren e tij të vetme.

Burime nga Policia kanë bërë të ditur se identifikimi i saj dhe përfshirja në krimet e të riut, është zbuluar pas përgjimeve të bëra për arrestimin e Astrit Thaçit. 20-vjeçarja dyshohet se e strehonte të dashurin e saj, pasi arrinte të grabiste shuma të ndryshme parash në biznese të ndryshme.

“Mbi bazën e provave të siguruara nga Policia e Durrësit, në bashkëpunim me Prokurorinë nga veprimet proaktive të kryera, specialistët për hetimin e krimeve në Komisariatin e Policisë Durrës arrestuan në flagrancë shtetasen A. B., 20 vjeçe, banuese në Tiranë. Kjo shtetase dyshohet se e ka përkrahur shtetasin Astrit Thaçi, duke i dhënë ndihmë për të mos u kapur nga forcat e Policisë”, deklaroi Policia.

NDIQE LIVE "PANORAMA TV" © Panorama.al

Te lidhura