Pak ditë më parë në rrjet qarkulloi një foto e Antonela Berishës teksa hipte në makinën e ish-konkurrentit të “Për’puthen”, Fation Kuqari.
Të gjithë nisën të aludonin se mes tyre ka diçka dhe se konkurrentja e ka “tradhtuar” Atdhe Xharavinë, të cilin e kërkoi me ngulm që të rikthehet në program, sepse ende kishte një pëlqim për të.
Antonela ka reaguar për herë të parë në lidhje me këto foto dhe ka shpjeguar si qëndron e vërteta, sipas saj, në aplikacionin “Për’puthen”.
Konkurrentja ka treguar se mes saj dhe Fationit nuk ka asgjë më shumë se shoqëri dhe se kanë miq të përbashkët.
“Ka ndodhur me datë 13, nga ora 3-4 pasdite. Më ka sjellë një palë syze për t’ia publikuar në Instagram-in tim. I kam kërkuar të më shoqërojë te ‘Vodafone’ dhe tek ‘TEG’ se kisha për të blerë ca gjëra, sepse nuk kam patentë dhe as makinë.
E kam takuar në rrugë me persona të tjerë. Kemi miq të përbashkët edhe e kam shumë shok. Kam shoqëri me pak fjalë, por nuk besoj se ka vend për keqkuptime këtu se ai mund të jetë dhe me dikë tjetër ndoshta.
Unë kam shumë shokë meshkuj. Pastaj, po të kisha gjë për të fshehur, nuk do dilja haptazi në mes të Tiranës me të”, është shprehur Berisha.
