Turma të mëdha njerëzish kanë marrë pjesë në ceremoninë e varrimit të mbajtur në një Gjykatë në Stamboll, ku një prokuror u mor peng të martën, e më vonë mbeti i vrarë pasi policia u përpoq ta shpëtonte.
Dy persona të armatosur që morën peng Mehmet Selim Kiraz gjithashtu mbetën të vrarë në një shkëmbim zjarri. Rrëmbyesit ishin anëtarë të DHKP-C.
Në faqen e tij, grupi tha se pengmarrja ishte një akt hakmarrje për vdekjen e një të riu, rasti i të cilit ishte duke u hetuar nga prokurori. 15-vjeçari Berkin Elvan u plagos gjatë protestave antiqeveritare në vitin 2013 dhe vdiq nëntë muaj më vonë.
Mes tensioneve në rritje, ministri i drejtësisë i Turqisë është duke u zotuar se personat përgjegjës për pengmarrjen do të vihen para drejtësisë. Më shumë se 20 anëtarë të dyshuar të DHKP-C raportohet se janë arrestuar, raporton “Euronews”.
