Dy balona të bardha u lëshuan në qiell dhe një duartrokitje e fuqishme ka shoqëruar arkivolin e bardhë të Ismail Lullit, jashtë kishës së Santa Maria Extra Muros. 3 mijë vetë, kryesisht të rinj, kanë marrë pjesë mbrëmjen e së enjtes në ceremoninë mortore të 17-vjeçarit shqiptar që u vra nga dy shokët e tij bashkëkombas.
Të pranishmit kanë vendosur lule të bardha mbi arkivolin e të riut, teksa ai përcillej në banesën e fundit në varrezat Sant’Angelo, në lokalitetin Pezaro të Urbinos.
Prifti i kishës, don Davide Tonti ka drejtuar meshën dhe ka ftuar të pranishmit që të luften “edhe për ata që kryen këtë akt të tmerrshëm”.
E vështirë më shumë ka qenë për prindërit, shokët e klasës dhe miqtë e viktimës të cilët nuk mundën ti mbanin dot lotët teksa i dhane lamtumiren e fundit njeriut te tyre te shtrenjte. Brenda kishës kishte edhe police, prefekti, koloneli Antonio Sommese i cili ndoqi hetimet, dhe kryetarët e shtatë komunave të Alto Metauro, sepse “kjo është tragjedia e një komuniteti të tërë”,- siç tha Kryetari i Sant’Angelo.
