Në 24 orët e fundit në qytetin e Vlorës kanë rezultuar pozitivë 11 persona.
Burime për “Panorama” konfirmojnë se katër raste janë evidentuar me COVID-19 në fshatin Kote. Ata ishin infektuar nga një i afërm, që u kishte ardhur nga Itali, i fundit ky që kishte rezultuar pozitiv.
Po ashtu të infektuar kanë rezultuar edhe dy pensionistë, njëri prej tyre me profesion stomatolog.
Ndërsa sa i përket pesë rasteve të tjera, raportohet se janë kontakte të personave të infektuar më parë me COVID-19.
Në 24 orët e fundit në vend kanë rezultuar pozitivë 90 persona, duke e çuar numrin e të infektuarve që nga fillimi i pandemisë në 3278.
Shpërndarja gjeografike e rasteve është si vijon: 36 raste në Tiranë, 15 në Durrës, 11 në Vlorë, nga 8 raste në Kukës, Krujë, 4 në Kurbin, 3 në Elbasan, 2 në Lushnje, nga 1 rast në Lezhë, Kamëz, Dibër.
NDIQE LIVE "PANORAMA TV" © Panorama.al
