Pas humbjes që Shqipëria pësoi ndaj Serbisë mbrëmjen e së enjtes në stadiumin e Elbasanit me rezultatin 0-2, mediat e huaja kanë komentuar sfidën duke u fokusuar tek pësimi i dy golave në minutat e fundit të takimit.
Gazeta më e madhe sportive në Itali, “La Gazzetta dello Sport” shkruan se ‘De Biazi tashmë është i detyruar të fitojë në Armeni”.
Gazeta italiane e nis artikullin duke thënë se Serbia kalon në Tiranë 2-0. “Minuta ankthi për skuadrën e De Biazit që pëson të parin gol nga Kolarov në minutën e 91′ dhe tre minuta më vonë ka ardhur edhe dopieta në kundërsulm me anë të Ljajic”,-shkruan gazeta italine. Ndërsa thekson se Shqipëria është e detyruar të fitojë në ndeshjen e fundit në Armeni për ‘mos t’i thënë lamtumirë ëndrrës Euro 2016.
“Tutosport”:
Shqipëri – Serbi 0-2 – Garë e blinduar në Elbasan. E përfolura si derbi i Ballkanit shkoi në favor të Serbisë. Ka shënuar Kolarov në minutën e 91′ dhe interisti Ljajic në minutën e 94. Skuadra e De Biazit është në vendin e tretë, një pikë pas Danimarkës, por me një ndeshje për të luajtur ende. Do të luhet për gjithçka më 11 tetor kundër Armenisë. Serbia ndalon me 2 pikë dhe me tre pikë penalizim.
“The Guardian”:
“Një përfundim dramatik në Elbasan Arena me dy gola diferencë në minutën e 90′ kanë bërë diferencën e Serbisë e cila ka luajtur për krenari dhe asgjë tjetër. Nata e madhe e Shqipërisë u prish nga një nxitim i skuadrës, por ata kanë edhe një shans të dytë për t’u kualifikuar pas tri ditësh në Armeni”.
“Daily Mail”
“Branislav Ivanovic dhe Nemanja Matic dëmtohen në ndeshje, por Serbia siguron fitoren 2-0 në minutat e fundit ndaj Shqipërisë në ndeshjen e “ri-luajtur” pas përplasjeve për dronin.”
Britanikja shkruan se loja ishte i qetë në krahasim me atë që ndodhi pas dronit të hedhur në Beograd vitin e kaluar.