Nga derbi i kryeqytetit tek Kombëtarja, Neptun Bajko: Çështja Reja-Broja? Fiton gjithmonë…(E PLOTË)

Dec 22, 2021 | 8:10
SHPËRNDAJE

Partizani-Tirana është kryendeshja e javës në Abissnet Superiore. Për këtë sfidë ka folur dhe ish-trajnerin e Kombëtares por dhe Partizanit, Neptun Bajko. Në emisionin “Sport News”, në intervistë me gazetaren Enxhi Biba, Ai foli për emocionet që përcjell kjo super sfidë.

bandicam 2021-12-22 17-34-23-917

Çfarë e bën kaq të rëndësishme?

“Unë nuk e di zanafillën e diçkaje të tillë ,por di që futbolli ka krijuar ndër vite një kundërshti midis dy ekipeve. Kur cilësohet derbi, kur kundërshtarët kanë shumë përplasje, gëzime, zhgënjime, derbi ka rëndësi të veçantë. Mbajnë vlera të jashtëzakonshme morale, psikologjike, edukative. Shërbejnë në rritjen e brezit të ri nga të dy kampet, që të kenë entuziazëm në rast fitoreje dhe zhgënjim në rast humbjeje.”

Kujtimi më i veçantë?

“Si lojtar, hera e parë kundër 17 Nëntorit. Si trajner kur mora ekipin dhe pas 4 ndeshjesh luajta kundër Tiranës. Pësova një humbje që ka ngelur në kujtesën e sportdashësve, 7-3 dhe çuditërisht me një lojë të mirë. Rezultati ngelet.”

Ku ka pasur më shumë lezet atëherë apo tani?

“Atëherë sepse ka pasur më shumë lezet. Ka qenë shprehja e jetës që bënim ne në atë kohë, ndërthurur me gjëra më spontane dhe pavarësisht nga rezultati i ndeshjes të dyja tifozërit kishin marrëdhënie të mirë. Atmosfera kishte një bukuri të jashtëzakonshme.”

“Tani çdo gjë ka ndryshuar, por diçka i ka humbur futbollit nga ajo kohë. Ka lidhje me ngacmimet që jep loja e futbollit, diçka që na lidh.Nuk duhet ngatërruar nostalgjia. Historia nuk zbret në fushë. Historia e dy ekipeve që kanë dhuruar spektakël. Një ndeshje e tillë është që të zgjojë entuziazmin brenda normave me edukatë.”

Partizani, si i keni parë?

“Unë mendoj që çdo ekip kalon periudha të caktuara të krizës. U mendua që kriza do kalonte shpejt dhe ndeshjet do fillonin me ritmin që donte ekipi. Ka lëvizshmëri në fushë, lojtarët mundohen të japin maksimumin por ka mangësi që nuk janë rikuperuar. Një ndër problemet janë ana psikologjike. Ka të bëjë me lojtarët e rinj që kanë ardhur.”

“Së dyti nuk shoh që gjatë zhvillimit të ndeshjes të ketë një lojtar që të jetë një lider, cili të qetësoje ekipin pas ndeshjes. Mbajtja shpesh herë e topit është problem. Nuk shoh atë lidhje organike midis mbrojtjes dhe sulmit. Nuk i kanë të qarta ende. E fundit është se goditjet e dënimit dhe të këndit jepnin rrezikshmëri dikur por tani jo.”

Bën mirë drejtuesit që i e besuan Dajës?

“Kam respekt për çdo trajner në Superiore dhe në këtë aspekt me Ilir Dajën. Nuk e njoh nga afër për punën e tij, por bisedat për të flasin fjalë të mira dhe i mbetem kësaj. Është punëtor dhe i thjeshtë, por nëse në ecurinë dhe në përbërjen e ekipit përfshihen jo vetëm trajneri por disa dhe për interesa dëmtojnë ekipin lidhur me kontingjentin e lojtarëve.”

“Unë do të vlerësoja se Daja ka mbajtur qetësinë. Nuk është shfaqur i nervozuar dhe ka mbajtur qetësinë, por nënkuptohet që diçka nën vetëdijen e tij mbetet.”

Shansi i fundit për Dajën dhe Partizanin?

“Iliri foli si profesionist sepse nuk e mban kontrata por vlerat si njeri. Nuk kam çfarë të shtoj se i ka thënë të gjitha. Megjithatë ai ka shprehur qartë mendimet e tij.”

Pika më e fortë e Tiranës?

“Ka diçka më pozitive dhe duke parë nivelin e lojës Tirana duket më e plotësuar. Si një ekip që kanë më tepër përvojë dhe po punon për një objektiv. Kanë 2-3 lojtarë me të dhëna shumë të mira. Kanë dhe diçka që Partizani në kohen time ja mora Tiranës. I mora karakterin dhe  shpirtin e garës. Normalisht jo me ata lojtarë që kanë qenë. Po punojnë në qetësi, me presidencën dhe trajnerin Shehi. Nuk merren me ndikimet, rrjetet sociale. Po ruajte ekipin ke ruajtur veten tënde.”

Tirana ekipi favorit dhe kush mund ta zbres nga kreu?

“Deri tani është favorit sepse me meritë  është aty ku është. Është një ekip që ka pikësynim të qartë për të fituar titullin. Këto e bëjnë të jenë në krye të klasifikimit. Mendoj se krizë do kaloj çdo ekip. Zgjatja e krizës të lëndon. Nëse kalon shpejt atëherë ai ekip do vazhdoj përpara drejt fitimit të titullit. Lufta do jetë me e ashpër në fazat që do vijnë.”

Vijimi i bashkëpunimit me Edi Rejën, ju duket i drejtë?

“Duhet ta vazhdojë sepse e ka nisur një rrugë, pavarësisht se përfundimi nuk ishte i suksesshëm. Por e njeh më mirë nga të gjithë situatën në ekipin kombëtar. E dyta për Rejën ky edicion do jetë faktor i së vërtetës. Do vlerësohet sesa ka ndikuar ai në ekipin kombëtar dhe sesa mirë ose keq ka bërë. I duhet dhënë kjo mundësi për të parë se deri ku do shkojë.”

Shorti i Ligës së Kombeve. Shanset dhe objekti real i Shqipërisë?

“Po të mendoj si trajner do thoja është shumë e vështirë. Si specialist do thoja që është short i mirë për të arritur objektivat që kemi. Po të mendoja si Reja do thoja që janë dy pengesa dhe po e kaluam do dalim në vend të parë.”

Çështja e Brojës?

“Nga përvoja botërore dhe personale, një trajner që është marrë me një lojtar dhe do të dalë e tija, gjithmonë ka dështuar.”

Broja pikë referimi?

“Nuk bëhet dot sepse ka ende për të mësuar dhe për të marrë mbi shpatulla ekipin kombëtar. Por mbi bazën e tij ekipi do ta ketë më të lehtë të shkojë tek porta. Ajo që ka më rëndësi është fakti që është i ri dhe i çiltër. Ekipi do ta furnizojë që të shkëlqejë si në kampionatin anglez. Them që një lojtar i tillë, nuk i del zot asnjë trajner. Gjithë trajnerët që i kundërvihen do gabojnë. Fiton gjithmonë lojtari.”

© Panorama.al

Te lidhura