Kishte shkuar ilegalisht në Angli, si pjesa më e madhe e shqiptarëve, për të siguruar më shumë të ardhura. Dhe për ta bërë këtë, iu fut rrugës së drogës. Sajmir Llani, tashmë është dënuar me dy vite burg për kultivimin e kanabisit me një vlerë 40.000 £ në Telford.
Sipas mediave angleze, Llani kishte jetuar aty për vetëm një muaj, kur policia bastisi lokalet në muajin qershor dhe ai u arrestua.
Në gjykatën e Shrewsbury Croën, Llani u dënua me dy vjet pasi pranoi rolin e tij në kultivimin e vetëm 200 rrënjë kanabisi.
Sipas asaj që është dëgjuar në Gjykatë, 27-vjeçari Llani ka mbërritur në Britani të Madhe vetëm disa muaj më parë pasi ishte fshehur në pjesën e prapme të një kamioni.
Shqiptari, mësohet se kishte vajtur në Britani për të mbledhur para për të ndihmuar vëllanë e sëmurë. Avokati i shqiptarit tha se klienti i tij kishte pritur për të siguruar 8.000 £ për të ndihmuar të paguajë për vëllain e tij që do të bëjë një operacion në zemër. Mbi të gjitha, avokati tha se klienti i tij nuk dinte pothuajse fare anglisht.
Gjykatësi Robin Onions tha se fatkeqësisht kjo ishte një nga historitë e shumta dhe të njohura të njerëzve që vijnë në Britani në mënyrë të paligjshme dhe nga nevoja, shtyhen të punojnë në punë të zezë.
Gjyqtari tha se Llani tashmë e kishte marrë letrën e dëbimit dhe do të kthehet në Shqipëri, pasi të mbarojë dënimin.
I pandehuri ishte përpjekur për të shpëtuar me anë të një dere në anën e pasme, kur policia bastisi banesën më 5 qershor.
Policët gjetën 193 bimë në rritje në fermën ku punonte Llani dhe ky i fundit e kishte pranuar se ishte atje si i punësuar. Por nuk ka pranuar se e dinte se kush e kishte në pronësi fermën.
Llani ka rrëfyer më tej në polici se ai kishte punuar edhe si larës i makinave për të siguruar para në Birmingham, kur një mik i kërkoi atij që të shkojë në Telford për t’u kujdesur për bimët narkotike se do të fitonte më shumë.
NDIQE LIVE "PANORAMA TV" © Panorama.al