Hidi sfidon Tiranën, “ish”-i i bardhebluve: Ndeshje speciale, por Teuta futet për fitore

SHPËRNDAJE

Isli Hidi rikthehet në kryeqytet, aty ku hodhi hapat e parë si futbollist profesionit. Dhe pikërisht kundërshtari i radhës është Tirana, ekip i cili vazhdon të jetë në zemrën e tij. Portieri veteran nuk i ka harruar bardheblutë, por në “Selman Stërmasi” shkon i motivuar për t’u shkaktuar humbjen e dytë radhazi.

Hidi thotë se Teuta e ka të gjithë potencialin për të fituar në çdo fushë, ndërsa theksoi se objektivi parësor për bregdetarët është të kualifikohen në kompeticionet europiane. Ai ndalet gjithashtu edhe te shiriti i kapitenit, që tani e mori Osmani dhe flet për rivalitetin në Superiore dhe pse pranoi ofertën e bregdetarëve.

isli hidi

Aventura me Teutën nisi me një barazimi, me çfarë synimi shkoni në Tiranë?

Ne në çdo ndeshje do të futemi për ta fituar, pavarësisht kë kemi përballë si brenda ashtu edhe në transfertë. Në ndeshjen që zhvilluam kundër Flamurtarit, ekipi tregoi rritje dhe duhet të vazhdojmë me këtë ritëm edhe ndaj Tiranës. Më pas rezultatin t’ia lemë fushës së lojës.

Jeni lidhur shpesh me një kalim te Tirana, por edhe te Flamurtari, megjithatë në fund zgjodhët Teutën. Cila është arsyeja?

Tirana gjithmonë ka qenë pjesë e zemrës sime dhe e kam menduar ta mbyll aty karrierën, por kanë qenë kushtet e tilla, që asnjëherë nuk kemi rënë dakord. Në momentin e parë u aludua edhe Flamurtari. Ishte një bisedim në ajër, por jo konkret. Më pas erdhi oferta nga trajneri Shkëmbi dhe presidenti Hasanbelliu. E pranova me kënaqësi, sepse kam dëshirë që të fitoj një trofe me Teutën.

DRILON XHEPOLLARI

INTERVISTËN E PLOTË E LEXONI NË VERSIONIN PRINT TË GAZETËS

Te lidhura

 

S'KA KOMENTE

Comments are closed.