Taulant Marku është njeriu i momentit në Krujë. Sulmuesi pukjan ka shënuar 7 gola në 14 ndeshje këtë sezon.
Ka zgjidhur shumë ndeshje në favor të skuadrës, ndërsa dje realizoi një eurogol duke shmangur tre mbrojtës miq dhe i dha sërish fitoren Kastriotit.
Pas ndeshjes, sulmuesi u shpreh: “Jam shumë i lumtur për golin e shënuar, gjithashtu edhe për pikët e plota që morëm. Ishte ndeshje e vështirë dhe e dinim që Dinamo do na vinte në vështirësi, pasi janë skuadër që mbrohen mirë. Ata përgjatë të gjithë ndeshjes u mbrojtën me forca të shumta dhe na vështirësuan fitoren.”
“Por, sukseset e vështira të shijojnë më shumë. Për sa i përket momentit të golit, vetëm po dribloja dhe, kur e pashë veten përballë portierit, e dija që do shënoja. Duhet të vazhdojmë kështu, pasi kemi akoma rrugë të gjatë për të bërë. Na pret një ndeshje e vështirë fundjavën e ardhshme”, u shpreh Marku.
L.Pasha
NDIQE LIVE "PANORAMA TV" © Panorama.al