Pas nismës për ndalimin e filmave shqiptarë të diktaturës, shkrimtari Agron Tufa përfshirë së fundi në një debat të ashpër edhe me shkrimtaren Diana Çuli, të cilën e akuzoi si vrarëse se coi në togën e pushkatimit shkrimtarin Genc Leka ka marrë kërcënime me jetë.
“Panorama” mëson se vetë shkrimtari ka bërë një denoncim në polici, ku ka bërë me dije se së fundi ka marrë një mesazh kërcënues anonim në llogarinë e tij në Facebook.
Ndërkohë këtë, e lajmëron vetë Tufa në faqen e tij zyrtare të rrjetit social, i cili thotë se sëbashku me kolegun e tij, Erald Kapri, ndërmorën këtë nismë për të ndaluar me ligj filmat propagandistikë komuniste të regjimit të Enver Hoxhës, kjo pasi sipas tij është e dëmshme për shëndetin moral publiK.
Nga ana tjetër Tufa shpjegon se në “News24”, ai nuk kishte kërkuar që të gjithë filmat të përjashtohen, por të bëhet një listë e kujdesshme që nuk përçojnë propagandë komuniste.
“Mbreme mora nje kercënim anonim per shkak, se me kolegun tim, z. Erald Kapri (i kërcënuar dhe ai) ndermorem nje nismë, për të ndaluar me ligj filmat propagandistikë komunistë të rregjimit te Enver Hoxhes, si lëndë toksike, radioaktive, e dëmshme për shendetin moral publiik. Mbetjet e diktaturës dhe nostalgjikët e asaj idile kinematografike perverse, incestuoze, qenkan prekur në kockë. Ne Neës 24 kisha sqaruar, se: jo perjashtimisht të gjithe filmat te ndalohen. Por te behet nje liste e kujdesshme e filmave ( te paket) qe nuk perçojne propagande komuniste, si dhe: te gjithe filmat e ‘mbijetuar’ te paraprihen para transmetimit me një 5 minutesh hyrje, ku te shpjegohet se perse transmetohet aksh film (vlera artistike, regjisoriale, aktoriale, tematike etj),” shkruan Tufa.
