Fluturimi direkt nga Tirana në Paris. Linja e re direkte është inauguruar sot dhe në fjalën e tij Ministri Edmond Haxhinasto theksoi se hapja e tregut po reflekton cilësi më të lartë shërbimesh për qytetarët shqiptarë dhe kosto më të ulët.
“Një fakt i mirëpritur është se shifrat e rritjes së qarkullimit ta pasagjerëve në aeroportin e Tiranës janë gati 2.5 herë më të larta se mesatarja e industrisë evropiane”,- thekosi ministri.
Ndërsa theksoi se ka akoma shumë për të bërë. “Nuk kemi ende prezente kompanitë e fluturimit loëcost, ende nuk kemi targetuar segmentin e turistëve dhe akoma nuk kemi arritur nivele të kënaqshme në shërbimet kargo” – vijoi ai.
Për ti shërbyer më mirë sektorit të turizmit, Haxhinasto theksoi se është në planet e qeverisë të hyjë në funksion normal aeroporti i Kukësit, si dhe një aeroport i ri në jug të vendit.
“Nëse arrijmë volumin normal të rritjes, në 5 vitet e ardhshme të ketë mbi 600 vende të reja pune vetëm në industrinë e shërbimeve aeroportuale. Prandaj sot është momenti t’i bëjmë ftesë edhe të rinjve, të angazhohen në këtë industri të rëndësishme me të ardhme të sigurt në Shqipëri”,- tha Haxhinasto, duke iu bërë thirrje të rinjve të shkollohen në fushën e aviacionit, “vendit i duhen kapacitete të kualifikuara” – vijoi ai.
NDIQE LIVE "PANORAMA TV" © Panorama.al
