Qeveria ka miratuar hartën e re me çmimet e trojeve. Gazeta zbardh të plotë vendimin e Qeverisë “Për miratimin e hartës së vlerës së pronës për vitin 2014”.
“Panorama” boton sot tabelat e plota me çmimet e ndryshuara në 11 qarqe të vendit. Ajo që vihet re, krahasuar me hartën e miratuar një vit më parë, është rritja e ndjeshme e çmimeve.
Pothuajse në pjesën dërrmuese të qyteteve vlera e tokës për metër katror ka njohur rritje, ndërsa rastet kur ka regjistruar ulje numërohen me gishta. Kjo valë ka përfshirë kryesisht qytetin e Elbasanit, Vlorës, Fierit e Shkodrës.
Vlerë më të lartë prona do të ketë edhe në qytetin bregdetar të Durrësit. Sakaq, të pandryshuar kanë mbetur çmimet në Sarandë, ku një metër katror do të mund të blihet me të njëjtat tarifa. Këto çmime do të përdoren për kompensim me ligjin e ri të pronave.
NDIQE LIVE "PANORAMA TV" © Panorama.al
