Kanye West ka ndryshuar zyrtarisht emrin e tij. Reperi, i cili paraqiti dokumentet për të ndryshuar emrin e tij në muajin gusht, më në fund mori atë që dëshironte.
Tani, ai do të njihet ligjërisht si “Ye”. Muzikanti la të nënkuptohej se do të ndryshonte emrin e tij që në vitin 2018, kur publikoi albumin “Ye” dhe disa muaj më vonë shkroi në Twitter: “I njohur zyrtarisht si Kanye West. Unë jam Ye.”
Ky nuk është ndryshimi i vetëm në jetën e Kanye West kohët e fundit. Kujtojmë që bashkëshortja e tij Kim Kardashian paraqiti kërkesën për divorc në muajin shkurt, pasi u raportua se prindërit e 4 fëmijëve, s’po jetonin më bashkë.
Muzikanti gjithashtu publikoi albumin e tij “Donda” në muajin gusht. Ai debutoi në krye të tabelës Billboard’s Top 200, duke u bërë artisti i 7-të që ka 10 albume në vendin e parë, sipas Billboard.
