Guvernatorët e disa shteteve amerikanë kanë bërë thirrje për shtyrjen e primareve presidenciale për shkak të koronavirusit.
Governatori i Ohajos, Mike DeWine rekomandoi të hënën që votimi i të martës për primaret presidenciale mes demokratëve të shtyhen deri më 2 qershor me qëllim për të mbrojtur votuesit nga përhapja e koronavirusit.
“Ne nuk mund ti bëjmë zgjedhjet nesër”, theksoi ai. Vendimi u takon guvernatorëve të secilit shtet, por Presidenti amerikan, Donald Trump, u bëri thirrje shteteve të ndjekin udhëheqjen e shumë vendeve të tjera të fuqishme në të gjithë botën, si Franca dhe Mbretëria e Bashkuar, dhe të mos i anulojnë zgjedhjet, duke u shprehur se “nuk mendoj se do të ishte një gjë shumë e mire” dhe se “do të ishte e panevojshme”. Dy shtete amerikane kanë vendosur tashmë të shtyjnë zgjedhjet e demokratëve për kandidation që do të garojë kundër Trump, në rivalitetin mes Joe Biden dhe Bernie Sanders. Zgjedhjet presidenciale amerikane mbahen në nëntor të këtij viti dhe Trump shfaqet i sigurt për fitoren.
NDIQE LIVE "PANORAMA TV" © Panorama.al
