Gruaja që vdiq mbrëmë te Infektivi me COVID-19, ministria saktëson të dhënat: Pas verifikimeve rezultoi…

Mar 28, 2020 | 10:30
SHPËRNDAJE

Ministria e Shëndetësisë ka saktësuar moshën e pacientes e cila vdiq mbrëmjen e djeshme duke u bërë viktima e nëntë e prekur nga koronavirusi. Ndryshe nga sa u raportua, ajo është 72-vjeçe.

Infektivi-Koronavirusi-ambulanca3

Mbrëmjen e djeshme ndërroi jetë një paciente nga Vlora, me inicialet L. M., e shtruar prej 4 ditësh në spitalin infektiv dhe në dy ditët e fundit në terapi intensive në gjendje të rëndë.

Ju informojmë se pacientja që rezultonte në kartelën e spitalit infektiv në moshën 52 vjeçare, sikundër u raportua mbrëmjen e djeshme, pas verifikimeve me gjendjen civile, është 72-vjeçare.

Ministria e Shëndetësisë i shpreh ngushëllimet familjeve të të ndjerëve dhe apelon qytetarët të respektojnë me shumë rigorozitet rregullat e izolimit dhe distancimit social. Ministria e Shëndetësisë ju kërkon qytetarëve të telefonojnë urgjencën kombëtare në numrin 127 në rast se kanë shenja të sëmundjes dhe të mos shkojnë menjëherë në spital”, njoftoi sot ministria.

Pacientja vuante nga hipertensioni, ndërsa nuk arriti t’i mbijetojë COVID-19.

Deri më tani janë konfirmuar 186 raste të prekur nga koronavirusi në vend, ndërsa numri i personave të shëruar është 31.

 

NDIQE LIVE "PANORAMA TV" © Panorama.al

Te lidhura