Dukesha e Sussex Meghan Markle ka qenë së fundmi në një takim me pjesëtarët e stafit dhe vullnetarët në strehën e kafshëve “Mayhew”.
Gjatë një takimi me disa zonja, Markle mori një “kompliment” të pahijshëm, por ajo e mori me të qeshur.
“Çfarë zonjë e dashur që je. Të bekojë Zoti. Dhe je një zonjë e shëndoshë!”, i tha një prej të pranishmeve e quajtur McEachrom, si për t’iu drejtuar me batutë barkut të saj të rrumbullakosur.
Meghan menjëherë nisi të qeshte me të madhe dhe iu përgjigj: “Po e pranoj!”.
E pranishmja nuk e la me kaq, pasi ajo tha se Dukesha e Sussex dhe Princi Harry janë në pritje të një djali.
“Mendon se do të jetë djalë? Është surprizë. Nuk e dimë se çfarë gjinie është”, u shpreh Meghan.
Ndërkohë kujtojmë se Meghan Markle është në muajin e gjashtë të shtatzënisë dhe pritet të lindë në muajin prill.
NDIQE LIVE "PANORAMA TV" © Panorama.al