Grida Duma takon bizneset e vogla në tregun e Durrësit: Prioritet, punësimi

May 4, 2015 | 17:09
SHPËRNDAJE

Kandidatja për bashkinë e Durrësit, Grida Duma vijoi fushaten duke u takuar me bizneset në Tregun Industrial dhe Tregun Ushqimor në lagjen numër 12 të qytetit. Tregtarët e vegjël i jane ankuar se janë në prag të falimentimit. Fuqia blerësë ka rënë në mënyrë drastike ndërsa taksat për biznesit janë rritur edhe më shumë.

Grida Duma sot ne Durres

“Kemi nga viti 1991 që punojmë por në dy vite kemi arritur në fund. Po jetojmë në kohën me të keqe”, u shpreh një prej tregtarëve të vegjël. Tregtarë të tjerë shprehen se janë në prag të falimentit. “Ne kemi falimentuar. Nuk po shesim një gjë që të shlyejmë pronaren”, tha një tregtare tjetër.

Zonja Duma foli edhe me shumë qytetarë durrsakë në treg të cilët ankohen për rënien e të ardhurave të tyre nga masat drastike të qeverisjes. “Siç e marr pensionin ia çoj shtetit. Vetë rri pa bukë”, u shpreh një pensioniste, thuhet ne deklaraten per shtyp te PD-se.

Kandidatja Duma u shpreh se ndihma për biznesin dhe punësimi janë prioritet për rritjen e të ardhurave të qytetarëve të Durrësit.

NDIQE LIVE "PANORAMA TV" © Panorama.al

Te lidhura