Kreu i PD-së, Lulzim Basha ka dalë në mbështetje të punonjësve të rafinerisë së naftës dhe stacionit të pompimit të ujit në Poçem , të cilët prej ditësh janë në grevë me pretendimin se kanë 27 muaj pa marrë rrogat.
Me një shënim në facebook, Basha shprehet se kërkesat e tyre janë të drejta dhe bën thirrje për zgjidhjen e menjëhershme të situatës.
Kreu i opozitës ka akuzuar qeverinë për indiferencë, ndërsa thotë: “loja e pushtetarëve me fatin e tyre është kriminale”.
“Mbështes plotësisht punonjësit e rafinerisë së naftës dhe stacionit të pompimit të ujit në Poçem dhe aktet e tyre sublime, përfshirë grevën e urisë. Kërkesat e tyre janë të drejta dhe duhet të gjejnë zgjidhje të menjëhershme. Indiferenca dhe loja e pushtetarëve me fatin e tyre është kriminale”, shkruan Basha.
NDIQE LIVE "PANORAMA TV" © Panorama.al