Një kryetare shteti, një kryetare komune, 38 deputete, 2 ministre, 5 zëvendësministre, 3 shefe të grupeve parlamentare dhe 2 nënkryetare të Kuvendit janë disa nga postet më të rëndësishme të cilat i mbajnë gratë në Kosovë.
Megjithatë, deputetet e Kuvendit të Kosovës vlerësojnë se përfshirja e gruas në politikë dhe në pozita vendimmarrëse nuk është e kënaqshme.
Sipas tyre, duhet të fuqizohet edhe më shumë roli i gruas në shoqërinë kosovare dhe kjo, sipas tyre, duhet të fillojë qysh me shkollimin më të madh të femrave.
Deputetet gjithashtu kërkojnë që kuota gjinore e përfshirjes së grave në institucionet nga 30 për qind të ngrihet në 50 për qind dhe që kjo të vlejë edhe për postet në Qeveri. /Zëri/
NDIQE LIVE "PANORAMA TV" © Panorama.al
