Granit Xhaka dhe partnerja e tij u bënë prindër dy vite më parë, teksa mirëpritën në jetë një vajzë.
Ata vendosën që vogëlushen ta pagëzonin me emrin Ayana dhe lajmin e bukur e ndau me të gjithë në rrjete sociale vetë futbollisti.
Tani familja Xhaka do të zgjerohet, pasi asaj do t’i shtohet edhe një anëtar i ri.
Ditën e djeshme, futbollisti zbuloi se bashkëshortja e tij është sërish në pritje të ëmbël.
Graniti publikoi në Instagram një foto familjare, ku vihej re edhe barku i rrumbullakosur i Leonitës.
“Familja jonë e vogël po rritet… Mezi po presim të të njohim”, shkroi Xhaka krahas fotos.
Dyshja nuk e ka zbuluar ende gjininë apo emrin e vogëlushit që pritet të vijë në jetë.
Graniti dhe Leonita u fejuan në vitin 2015, ndërsa dy vite më vonë ata e kurorëzuan dashurinë e tyre me martesë.
