Dy persona të tjerë janë arrestuar, nën dyshimin se janë bashkëpunëtorë në grabitjen e 3.2 milionë eurove më 9 shkurt në rrugën e Rinasit. Bëhet fjalë për vellain dhe nipin e Admir Muratajt. Vëllai i tij, Cen Murataj, ishte i shoqëruar prej 3 ditësh, por sot prokuroria ka lëshuar udhër-arrestin.
Në shtëpinë e tij u gjet një sasi e parave të grabitura të enjten e kaluar ne rrugën e Rinasit. Ndërsa nipi i kreut të bandës, Erdon Murataj u kap në doganën e Morinës. Ai është ndaluar nga policia kufitare teksa po hynte nga Kosova, pasi ka qene i shpallur në kërkim policor, me kartele rozë në sistemin e policisë.