Skënderbeu ka goditur sërish, teksa së fundmi është zyrtarizuar edhe mesfushori francez, Arrnaud Guedj. 21-vjeçar iu bashkua ekipit në “Resortin Tropikal” dhe do të vihet menjëherë nën urdhrat e trajnerit Shehi.
Lajmi u bë publik nga klubi korçar nëpërmjet një njoftimi në faqen zyrtare. Mësohet se Guedj ka nënshkruar kontratë një vjeçare me bardhekuqtë me të drejtë rinovimi edhe për një vit tjetër.
Mesfushori është aktivizuar në fillimet e tij tek ekipi i 2-të i Nisës në Francë më pas u transferua në Ukrainë tek ekipi i Zirka ku zhvilloi një sezon mbresëlënës duke u aktivizuar në 26 ndeshje zyrtare. Me afrimin e Guedj, mesfusha e Skënderbeut duket e konsoliduar. Francezi është vlerësuar si një lojtar cilësor, që pritet të bëjë diferencën tek kampionët në fuqi.
NDIQE LIVE "PANORAMA TV" © Panorama.al
