Sebastian Stahl, një ish-pilot i garave A1GP, ishte në Barcelonë duke xhiruar një reklamë për markën e makinave ‘Seat’, para rrëzimit horror të avionit me 150 njerëz në bord në Alpet franceze.
Për shkak të shiut të madh në qytetin spanjoll, ekuipazhi e vonoi nisjen e tyre me pothuajse 24 orë, që do të thotë se 36-vjeçari do të kishte të ngjarë të kishte fluturuar me avionin fatkeq A320 Airbus.
Për fatin e mirë për Seb, ekipi mori një vendim të minutës së fundit, duke bërë që Seb mos t’i hipte avionit që u rrëzua.
Por, me emrin e tij të raportuar në listën e udhëtarëve të fluturimit tragjik 4U9525, Seb zbuloi se shumë nga shokët dhe familjarët e tij besonin se kishte vdekur.
Duke folur për gjysmë-vëllanë e tij, legjendën e F1 Michael Schumacher, i cili ka qenë në koma për gjashtë muaj pas një aksidenti me ski në vitin 2013, Seb tha: “I dërgoj të gjithë forcën që kam, kështu që ai do të jetë mirë”.
NDIQE LIVE "PANORAMA TV" © Panorama.al
