Shefja e një qendre bamirësie në Birmingham është burgosur pas një komploti për të kontrabanduar imigrantë të paligjshëm në Mbretërinë e Bashkuar.
Pranvera Smith, 47- vjeçe, fitoi lejen e qëndrimit në vitin 2014, për të ndihmuar gjoja njerëzit e rrezikuar nga vendi i saj në Shqipëri, të fitojnë azil.
Në vend të kësaj, mashtruesi lakmitar dhe partneri Flamur Daka, 44 vjeç, përdori bamirësinë e financuar nga “Big Lottery” si një mbulesë për të ndihmuar trafikantët e njerëzve.
Viktimat u akuzuan se u mori deri në 10,000 paund për t’i sjellë në mënyrë të paligjshme në Mbretërinë e Bashkuar. Sapo mbërritën atje, emigrantët u detyruan dhe u kërcënuan që t’i paguanin gruas edhe 1-4,000 £ për përfitime dhe këshilla për imigracionin – një shërbim i pretenduar se do të jepej falas nga ana e saj.
Smith e përshkroi veten si ‘La Nonna’ dhe formoi grupin mafioz shqiptar ‘Gjyshja’ – për të trembur burrat dhe gratë për të paguar dhe disa u detyruan të punonin në fermat e kanabisit për të gjetur para.
Tani ajo është burgosur për pesë vjet e katër muaj në Gjykatën e Birminghamit, pasi pranoi shkeljen e ligjit të imigracionit në Mbretërinë e Bashkuar. Daka u dënua me katër vjet për të njëjtën vepër.
Smith gjithashtu kishte pranuar furnizimin me kanabis pasi oficerët gjetën një kilogram drogë gjatë hetimit, ndërsa Daka ishte deklaruar fajtor për furnizimin me kokainë. Të dy morën dënime me nga gjashtë muaj për veprat penale të drogës.
Dyshja u sollën para drejtësisë pas një hetimi nga Njësia Rajonale e Krimit të Organizuar West Midlands (ROCU), hetim i filluar marsin e kaluar.
Kryeinspektori detektiv Will Henley udhëhoqi ekipin, i cili filloi të vinte në vëzhgim gruan pas shqetësimeve të ngritura nga bamirësi të tjera.
Pavarësisht se jetonin në një shtëpi të këshillit dhe nuk deklaronin të ardhura për gjashtë vjet, detektivët zbuluan që Smith kishte shtëpi dhe tokë në Turqi dhe Shqipëri.
“Smith dhe Daka e pozicionuan veten si njerëz bamirës me zemër të madhe që dëshironin të ndihmonin njerëz shumë të prekshëm. Në të vërtetë ata ishin trafikantë dhe abuzues”- tha hetuesi.
Reputacioni i saj i respektuar nga jashtë gjithashtu bëri që ajo të fitonte 10,000 £ në financim nga Big Lottery Fund për bamirësinë e saj.
DCI Henley tha: “Ajo ishte një zonjë shumë, shumë e sofistikuar, shumë inteligjente, e cila ishte në gjendje të manipulonte shumë agjenci partnere, policinë në raste, me një njohuri shumë të hollësishme, të brendshme të sistemit të përfitimeve dhe procesit të azilit.”
Sapo mbërrinin në Mbretërinë e Bashkuar, viktimat e kontrabandës shpesh frikësoheshin duke menduar se duhej të mblidhnin 1,000 £ për Smith për t’i lejuar ata të qëndronin – duke detyruar shumë të merrnin masa të dëshpëruara.
/S.Ll/
NDIQE LIVE "PANORAMA TV" © Panorama.al
