Shuhen të gjitha dyshimet për sa i përket “timonierit” të Shkëndijës së Tetovës. Ernest Gjoka, do të vazhdojë të jetë trajner i skuadrës shqiptarë që militon në elitën e futbollit maqedonas.
Tekniku kryeqytetas ka rinovuar kontratën me skuadrën kuqezi, teksa lajmi është konfirmuar zyrtarisht nga bashkëshortja e trajnerit, znj, Edit Lako. Kujtojmë që kohët e fundit në mediat maqedonase ka qarkulluar emri i Ilir Dajës, si një alternativë e mundshme për të marrë drejtimin e Shkëndijës, por në fund drejtuesit kuqezinj, i kanë besuar 50-vjeçarit.
Nëpërmjet një postimi në faqen e “Instagramit”, bashkëshortja e Ernest Gjokës, ka bërë një dedikim prekës për partnerin e saj, duke i dhënë atij “bekimin” e saj, për kontratën e re të rinovuar.
STATUSI I EDIT LAKO, BASHKËSHORTJA E ERNEST GJOKËS:
“Nesti, njeriu që nuk i ka thënë jo kurrë punës, njeriu që ka punuar mes vështirësive, paragjykimeve, injorancës. Nesti, njeriu që përballet me sfidat e që pak e dinë atë pjesën e ajsbergut, atë të vështirën që nuk duket. Sot te skuadra e madhe e Shkëndijës së Tetovës me kontratën e re të rinovuar. Nest të duam shumë, unë dhe Dea. Go, go mister!
NDIQE LIVE "PANORAMA TV" © Panorama.al
