“Gjobitemi me 2 mln lekë nëse…”/ Kontrollorja në Rinas sqaron çfarë ndodhi një ditë më parë dhe pagën që merr: Nuk jemi të politizuar

Apr 7, 2021 | 22:32
SHPËRNDAJE

 

Flora Ndreca është një prej kontrolloreve të trafikut ajror që gjatë ditës së djeshme, iu kërkua të nënshkruante një dokument për largimin nga puna.

florandreca

Ajo thekson se është më e vjetra në radhët e punonjësve dhe merr një pagë prej 1 mln e 500 mijë lekë të vjetra.

Ndreca thotë në “Opinion”, se kolegët e saj në Shkup dhe Podgoricë paguhen shumë më tepër.

Ajo sqaron gjithashtu se një kontroll i trafikut ajror gjobitet me shumë prej 2 mln lekësh nëse hyn në punë në gjendje të stresuar dhe kjo është e parashikuar në ligj.

Nuk duhet të përdoret fjala grevë. Nuk na lejohet. Jemi përpara faktit të paaftësisë së përkohshme. Jemi të stresuar dhe nuk mund të sigurojmë për të ofruar një shërbim në gjendjen në të cilën jemi. Nëse unë ulem në gjendje të koncentruar, unë gjobitem me shumën prej 2 mln lekësh të vjetra. Në këto momente vetëm stresi po na shtohet për vetë faktit që po kanalizohet nga media. Ne nuk jemi të politizuar. Çfarë ka ndodhur nga dje? Ishim 6 veta në turn bashkë me supervizorin. 5 nga ne u ndjemë të stresuar dhe vendosëm të mbanim trafikun deri në fund të ditës dhe në fund vendosëm të vepronim një formular. Unë kam kërkuar 3-4 ditë periudhë relaksi. Në këtë moment, nisemi për në shtëpi dhe marrim një telefonatë dhe gjendemi përballë faktit të zgjidhjes së kontratës së punës. Nuk kishte një arsye përse dhe unë refuzova të firmos. Nëse unë shkoj në punë në gjendje të stresuar, ne shkelim ligjin. Ne paguhemi për të ofruar shërbim dhe jo për trafik avionësh. Na vjen shumë keq që komentohet rroga jonë, në të cilën në Shkup dhe Podgoricë paguhet më shumë. Për këtë muaj, jam paguar me 1 mln 560 mijë lekë. Duke qenë se jam më e vjetra jam paguar 3 mln lekë. Kemi Shkupin që ka të njëjtin numër trafiku dhe paguhet 4 mijë euro”, tha ajo.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

1 KOMENT

  1. Kjo eshte levizje sindikaliste ne mbrojtje te punemarresve.Pra konflikt punedhenes punemarres.Pse politizohet!?

Comments are closed.