Gjobë, procedim penal dhe bllokim i mjeteve lundruese, policia e Shkodrës aksion në liqenin e Komanit, zbulon…

Jul 29, 2021 | 15:56
SHPËRNDAJE

lundrim shk

Policia e Shkodrës ka gjobitur 7 pronarë të mjeteve lundruese që ushtronin aktivitet tregtar pa licencë në liqenin e Komanit. 

Katër prej tyre edhe janë proceduar penalisht, teksa janë bllokuar edhe mjetet lundruese që kishin në përdorim.

“Nga strukturat e Seksionit për Hetimin e Krimit Ekonomiko-Financiar, në bashkëpunim me shërbimet e Drejtorisë Vendore të Kufirit dhe Migracionit, janë ushtruar kontrolle në liqenin e Komanit. ku në digën e liqenit janë evidentuar 7 shtetas që ushtronin aktivitetin me mjete lundruese, për të cilat nuk dispononin dokumentacionin përkatës për ushtrimin e aktivitetit.

Për secilin prej pronarëve të mjeteve lundruese është vendosur 10.000 lekë gjobe.

Në vijim të veprimeve u proceduan penalisht në gjendje të lirë, 4 prej tyre, shtetasit: M. K., 29 vjeç banues në Vau i Dejës, N. M., 22 vjeç banues në Vau i Dejës, A. M., 27 vjeç, banues në Durrës dhe E. Q. 46 vjeç banues në lagjen “10 Korriku”, Shkodër, për veprat penale ”Punësim i paligjshëm”, “Fshehja e të ardhurave“ dhe “Ushtrimi i aktivitetit tregtar të paligjshëm“, tha policia.

Materialet iu referuan Prokurorisë së Rrethit Gjyqësor Shkodër, për veprime të mëtejshme.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/