Kartoni i kuq i Ibrës në minutën e 60-të në sfidën ndaj Parmës, ka bërë bujë të madhe në Itali pasi askush nuk është i qartë se çfarë e detyroi arbitrin italian të ndërmerrte atë veprim.
Kanë qenë të shumta hipotezat e ngritura për këtë çështje, por mediat italiane kanë përfshirë dhe portierin Donaruma në këtë mesele.
Sipas tyre, pasi arbitri nxori kartonin e kuq për Ibrën, Donaruma është revoltuar dhe nga distanca ka bërtitur me fjalët: ‘’Po çfarë po bën o Mareska? Gjithmonë do të bësh protagonistin’’.
Kapiteni kuqezi rrezikoi të kishte të njëjtin fat si sulmuesi suedez. Nuk dihet nëse Gjykata Sportive italiane do të ndërmarrë ndonjë hetim për këtë çështje, por situata nuk duket aspak e qetë.
PANORAMSPORT.AL
NDIQE LIVE "PANORAMA TV" © Panorama.al
