Një filmim celulari i marrë në bordin e fluturimit të rrëzuar tragjikisht të kompanisë Germanwings ka regjistruar momentin shkatërrues kur pasagjerët ulërasin para se të vdisnin, raportojnë mediat e huaja.
Videoja thuhet se është gjetur mes rrënojave të avionit të rrëzuar javën e kaluar. Raportohet se në video dëgjohen pasagjerët duke bërtitur: “O Zot”, në disa gjuhë, para se avioni të godiste Alpet franceze, duke vrarë 150 njerëz në bord.
Raportohet se klipi zgjat vetëm disa sekonda dhe është rikuperuar pas gjetjes së një karte memorie të një celulari, të gjetur në vendin e ngjarjes.
Një zyrtar, që po heton aksidentin në agjencinë franceze të hetimit, BEA, tha se kjo e fundit nuk është në dijeni për ndonjë video të tillë.
NDIQE LIVE "PANORAMA TV" © Panorama.al