Gjenden eshtra njeriu pranë një ure në vendin e quajtur “Lumi i Tërhanit” në Pogradec.
Policia bën me dije se njoftimi mbërriti në Sallen Operative Pogradec, nga punëtorët e mirëmbajtjes së rrugës.
“U njoftuam se tek vendi i quajtur “Lumi i Tërhanit”, pranë urës, në afërsi të fshatit Udënisht, punëtorët e mirëmbajtjes së kësaj rruge, gjatë punës së tyre, duke gërmuar, kanë konstatuar një palë eshtra njeriu”- njofton policia.
Sipas saj, nga hetimet paraprake eshtrat dyshohet të jenë të vjetra. Grupi hetimor, ndodhet në vendngjarje dhe po punon për të zbardhur rrethanat e ngjarjes.
NDIQE LIVE "PANORAMA TV" © Panorama.al