Gjatë natës së kaluar, ka pasur reshje shiu dhe dëbore në zonat malore. Autoriteti Rrugor Shqiptar ka dhënë detaje mbi gjendjen e akseve nacionale ku apelohet për drejtuesit e mjeteve që të kenë kujdes në vijim sepse pritet rënie e ndjeshme e temperaturave.
“Gjatë orëve në vijim priten temperatura të ulëta deri në -17°C në zonat malore, duhet të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore, të ndjekin udhëzimet e Policisë Rrugore”.
Sipas ARRSH, reshje dëbore ka pasur në: Boboshticë-Dardhë, Qafë Thanë-Kapshticë, Fushë Stude-Klenjë, Bajram Curri-Valbonë, Kukës-Ura e Zapodit, Qafë Mali-Fierzë, Dedaj-Razëm-Bogë, Kuben-Vasije, Qafë Qelë-Pukë-Fushë Arrëz-Fushë Dukagjin, pa sjellë probleme me qarkullimin.
NDIQE LIVE "PANORAMA TV" © Panorama.al