“Gati gjysma e vendeve të BE kundër Shqipërisë”- Macron: Nuk mund të poshtëronim këtë vend duke…

SHPËRNDAJE

Presidenti i Francës, Emmanuel Macron, mbron veton franceze për të bllokuar hapjen e negociatave për Shqipërinë dhe Maqedoninë është vendimi i duhur.

20191109_eup502

Gjatë një interviste për “The Economist”, Macron thotë se ishte “absurde” hapja e BE-së për anëtarët e rinj përpara se të reformohej procedura e pranimit. Megjithatë, ai thotë se do të ishte i gatshëm të rishqyrtonte nëse do të plotësoheshin kushtet.

“Hapja e një procesi thjesht burokratik është absurde”, thotë Macron midis të tjerash, duke nënvizuar se shumica e vendeve të BE-së, “ishin në favor të hapjes së negociatave për Maqedoninë e Veriut, por gati gjysma e tyre ishin kundër hapjes për në Shqipëri. Gabim fatal”.

I pyetur nëse këto vende fshihen pas Francës, Macron thekson gjithashtu: “Unë nuk e mendoj, por e di këtë. Pyesni ata nesër nëse duan të hapin derën për Shqipërinë, gjysma e tyre do të thonë jo”.

Macron thekson gjithashtu se vendet anëtare duan të hapin negociatat për Maqedoninë, pasi ky shtet ka ndryshuar emrin, duke e konsideruar një arritje të vërtetë historike.

“Realiteti është që nëse nuk do t’i hapnim negociatat vetëm për Shqipërisë, do të shkaktonim një traumë të tmerrshme në rajon. Ka komunitete shqipfolëse kudo. Nëse poshtëroni Shqipërinë, ju do të destabilizoni rajonin në një mënyrë të qëndrueshme”, theksoi ai.

“Pra, bindja ime është që, e para, ne duhet të reformojmë procedurat tona të anëtarësimit”, shton Macron, teksa nënvizon se këto procedura nuk janë të përshtatshme dhe strategjike.

“Nëse e arrijmë këtë reformë në muajt e ardhshëm, unë do të jem i gatshëm të hap negociatat. Nëse ata kanë bërë edhe disa përpjekje shtesë të mbetura. Por nuk dua ndonjë anëtar të ri të mëtejshëm derisa të reformojmë vetë Bashkimin Evropian. Sipas mendimit tim, ky është një parakusht i sinqertë dhe i domosdoshëm”.

 

Te lidhura


Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.