Një tjetër “furtunë” ka përfshirë familjen mbretërore pas largimit të Meghan Markle dhe Princ Harry-t.
Nipi i Mbretëreshës, Peter Phillips dhe bashkëshortja e tij Autumn kanë njoftuar se do të divorcohen.
Në një deklaratë ata thanë se vendimi për tu ndarë ishte veprimi më i mirë për dy fëmijët e tyre si edhe për miqësinë në vazhdim.
Phillips dhe Autumn do të ndajë së bashku kujdestarinë e fëmijëve, Savannah, 9-vjeç dhe Islas, 7-vjeç.
Të dyja familjet raportohet se janë trishtuar nga vendimi por që e mbështesin plotësisht bashkëprindërimin e tyre.
Çifti i treguan Mbretëreshës dhe anëtarëve të tjerë të familjes për ndarjen e tyre vitin e kaluar.
42-vjeçari është djali i Princeshës Anne dhe bashkëshortit të saj Mark Phillips.
Ai është nipi më i madh i Mbretëreshës dhe Dukës së Edinburgut.
“Vendimi për divorc dhe ndarje të kujdestarisë erdhi pas shumë muajsh diskutimesh dhe megjithëse trishtuese, është miqësore,”- thuhet në deklaratë.
Ndërsa më pas u shtua: “Peter dhe Autumn kanë kërkuar privatësi për fëmijët e tyre ndërsa familja vazhdon të përshtatet me këtë ndryshim.”
Phillips takoi 41-vjeçaren kanadeze në Canadian Grand Prix në Montreal në vitin 2003 ndërsa punonte me ekipin Williams të Formula 1.
Ata u martuan në vitin 2008 në Saint George’s Chapel në Windsor Castle, ku u bë edhe dasma e Meghan Markle dhe Princ Harry-t do të zhvillohej dhjetë vjet më vonë.
